ՀԱՊՀ Հայաստանի ազգային ճարտարագիտական լաբորատորիաների կողմից Բրիտանական Խորհրդի "Ստեղծարար Միտք" ծրագրի շրջանակներում հայտարարվում է “BIG IDEA Challenge 2022” նորարարական գաղափարների մրցույթի մասնակցության հայտերի ընդունում։
Գաղափարների մրցույթին մասնակցության հայտ կարող են ներկայացնել՝ ՀՀ քաղաքացիություն ունեցող 18-35 տարեկան անձինք կամ թիմերը (թիմերի անդամների քանակը չպետք է գերազանցի 4 անձը), ովքեր ունեն գաղափարներ հետևյալ կատեգորիաներում՝
- Սոցիալական
- Ստեղծարար
- Թվային տեխնոլոգիաներ
Ձեր գաղափարը ներկայացնող 60 վայրկյան տևողությամբ տեսահոլովակի հղումը և լրացված հայտը (Ներբեռնել հայտի ձևաթերթը) պետք է ուղարկել anel@polytechnic.am էլեկտրոնային հասցեին։ Տեսահոլովակը և հայտը պետք է լինեն անգլերեն լեզվով։
Մրցույթի մասնակցության հայտերի ընդունման վերջնաժամկետը՝ սույն թվականի ապրիլի 15-ը:
Մրցույթին հայտարարագրված գաղափարների գնահատումը կիրականացվի հաշվի առնելով ներկայացված գաղափարի արդիականությունը, սոցիալական ազդեցությունը, որակը և ներկայացման ձևը:
Ընտրված 10 լավագույն գաղափարները հնարավորություն կստանան մասնակցելու Creative Spark BIG IDEA Challenge 2022-ի կողմից կազմակերպվող ազգային մրցույթի եզրափակիչ փուլին, որը տեղի կունենա սույն թվականի մայիս ամսին:
Ազգային մրցույթի եզրափակիչ փուլի արդյունքում ընտրված գաղափարները (յուրաքանչյուր կատեգորիայում 3-ական գաղափար) հնարավորություն կստանան մասնակցել Բրիտանական Խորհրդի "Ստեղծարար միտք" ծրագրի միջազգային փուլին։
Միջազգային մրցույթի եզրափակիչ փուլի մասնակիցները հայտնի կդառնան հունիսի 20-ին:
Մրցույթի մասին մանրամասն ինֆորմացիա կարող եք ստանալ այցելելով https://creativespark-bigidea.uk կայք։
Հարցերի դեպքում զանգահարել +374 94 467322 հեռախոսահամարով կամ ուղարկել նամակ anel@polytechnic.am էլեկտրոնային հասցեին։
